علي حيطان السجن يا سجان
واخنق خيوط الفجر سد بيبان
القمح طارح ف الغيطان قناديل
بيشق قلب الليل ويزعق أدان
ضيّق على قلمي وعلى كلمتي
وامكر ودبّر ليّ ولأمتي
إنت اللي زايل والزمان دوار
وتعيش على مر الزمان كلمتي
إلهب بظلمك ضهر كل الناس
واسقي الغلابة من مرار الكاس
زود جنودك وابدر الحراس
الحق طالع يقلعك بالأساس
حط في حديدك زهرة الأوطان
واخنق بإيدك كل حلم يبان
وهيم وضيّع قيمة الإنسان
بكرة الشعوب تغسل لك الأكفان
كل اللي سارق عرش ما بيسبوش
عمر الطوارىء ما هتحمي العروش
حتى ولو جيشت لينا الجيوش
الحق جاي وجنوده ما بيخافوش
